Hvernig fæ ég hærra verð fyrir eignina mína?

Hærra söluverð ræðst fyrst og fremst af því hversu margir sjá eignina. Svona margfaldar rétt markaðssetning fjölda áhugasamra og eykur líkur á að hærra verð fáist fyrir eignina.

Hvernig fæ ég hærra verð fyrir eignina mína?

Stutta svarið: Hærra söluverð ræðst fyrst og fremst af því hversu margir sjá eignina þína. Því fleiri sem sjá hana, því meiri líkur eru á að þessi eini kaupandi sem er tilbúinn að borga mest fyrir hana komi að skoða og geri tilboð. Vandaðar ljósmyndir og keyptar auglýsingar á samfélagsmiðlum geta tífaldað þann fjölda – og skila að meðaltali um 2,4% hærra söluverði. Það sem þú sem seljandi gerir sjálf/ur – að þrífa, létta á eigninni og laga smáatriðin – skiptir máli, en það vegur minna en markaðssetningin.

## Af hverju er markaðssetningin stærsti þátturinn?

Ef eignin þín er eingöngu skráð á fasteignavefina, án þess að vera auglýst sérstaklega, ertu að treysta á eitt: að kaupandinn sé staddur inni á fasteignavef nákvæmlega þá daga sem eignin er ný í sölu, og að hann leiti að réttum herbergjafjölda, réttu póstnúmeri og réttu verðbili.

Allir hinir sjá hana aldrei. Fólk sem er „aðeins að spá“, fólk sem var búið að gefast upp á leitinni, fólk sem hefði flutt í hverfið ef rétta eignin hefði birst – sá hópur er margfalt stærri en hópurinn sem er virkur í leit þessa tilteknu viku. Og það er einmitt í þeim hópi sem hæsta tilboðið leynist oftast.

Þegar eign er kynnt með keyptum auglýsingum á Facebook og Instagram, eins og Baldur fasteignasali sérhæfir sig í, er eignin borin fyrir augu fólks á réttu svæði sem var ekki að leita þennan daginn. Það er munurinn á 200–300 flettingum og 2.000–4.000 flettingum. Sá munur mælist í söluverði. Samanburður á 100 eignum sem seldust á árunum 2023–2025 sýnir að eignir sem voru markaðssettar með vönduðum myndum og keyptum auglýsingum seldust á að meðaltali 2,4% hærra verði en sambærilegar eignir sem voru eingöngu skráðar á fasteignavefina. Á 80 milljóna króna eign eru það tæpar tvær milljónir – margfalt hærri upphæð en auglýsingarnar kosta.

## Fleiri sem sjá = fleiri tilboð = hærra verð

Keðjan er einföld og hún er alltaf eins:

1. Fleiri sjá eignina. Auglýsingin nær til fólks sem hefði annars aldrei rekist á hana.

2. Fleiri fyrirspurnir berast. Hluti þeirra sem sjá hana hefur samband.

3. Fleiri mæta í opið hús. Full stofa af fólki breytir sálfræðinni í herberginu.

4. Fleiri tilboð berast. Og þegar tilboðin eru fleiri en eitt myndast samkeppni.

5. Verðið hækkar. Það þarf ekki tíu kaupendur – það þarf einn sem vill eignina virkilega.

## Hvað get ég gert sjálf/ur gert til að hækka virði eignarinnar?

Þetta eru atriðin sem kosta lítið og skila mestu:

- Byrjaðu að flytja. Pakkaðu niður fötum og dóti sem þú þarft ekki næstu vikurnar. Léttari eign virkar stærri og bjartari.

- Þrífðu – og svo aðeins meira. Sérstaklega gler og glugga. Skítugt gler lætur kaupanda líða eins og illa hafi verið hugsað um húsið og að það sé kominn tími á að endurnýja gluggana.

- Endurnýjaðu gömul og gulnuð rofa og tengla. Ódýrt, tekur stuttan tíma og sést strax á myndum.

- Málaðu þar sem sést verulega á veggjum. Ekki alla íbúðina – bara þar sem þess er þörf. Í stuttu máli

• Hærra verð fæst með því að fleiri sjái eignina, ekki með því að gera hana fullkomna.

• Skráning á fasteignavef ein og sér nær aðeins til þeirra sem eru í virkri leit þá vikuna.

• Vandaðar myndir og keyptar auglýsingar á samfélagsmiðlum lyfta fjölda flettinga úr 200–300 í 2.000–4.000.

• Vel markaðssettar eignir seldust að meðaltali 2,4% hærra í samanburði á 100 eignum 2023–2025.

• Þrif, tiltekt og smáatriði kosta lítið og skila sér; samkeppni milli kaupenda er það eina sem hækkar verðið í raun. Ertu ekki viss? Baldur fasteignasali bíður frítt verðmat og gefur þér ráðleggingar hvað borgar sig að gera áður en eignin fer á sölu. baldur@450.is / Beinn sími 450-0000